blog.aldisrun.com

..í dag, alveg magnað. Það eru komnar inn mýjar myndir (notendanafn: aldis og lykilorð: krulla).

Ég er búin að panta tíma í 5 vikna skoðun hjá heimilislækni fyrir Krullu, förum miðvikudaginn 5. des í hana (hún verður sem sagt rúmlega 5 vikna þá). Sú stutta hefur annars verið pínu óróleg undanfarið og vill þá helst hanga bara á brjósti…humm

Það er annars gaman að sjá hvað hún “fullorðnast” hratt, mikill munur á því hvað hún er farin að horfa meira í kringum sig og vera meira vakandi. Síðan er brosið alveg að koma..hingað til hafa þetta bara verið prumpubros eða glott í svefni en ég er ekki frá því að e-ð sem hægt er að kalla bros sé að koma. Spurning hvenær maður á að úrskurða “THE” fyrsta bros..

..og ég hef ekki opnað bók frá því daman lét sjá sig. Ég er reyndar búin að fara einu sinni uppí skóla að hitta stelpu sem ég er að gera verkefni með og prenta út glærur og námsefni..en hef ekkert náð að kíkja á það. Hluti af ástæðunni er gestagangur en það er líka lúmskt hvað maður nær að gera lítið á daginn..ekki það að það hafi komið mjög mikið á óvart..hehe

Sólrún kom og fór og það var æðislegt að fá hana og núna eru tengdó og Ásgeir (bróðir hans Sigurjóns) í heimsókn.

Það hafa annars streymt að gjafir handa Krullu og vil ég nota tækifærið og þakka öllum kærlega fyrir

ps. við skulum reyna að skella inn nýjum myndum eftir helgina…

Það er ekki hægt að segja annað en að sú stutta dafni vel. Hjúkkan í ungbarnaeftirlitinu og lærlingur hennar voru hjá mér áðan. Þeim leist mjög vel á Krullu, sem sýndi góð viðbrögð og var stillt og góð að mestu leiti (var pínu “grömpí” yfir að vera vakin og klædd úr fötunum..hehe).

Krulla fer sem sagt að ná minni eigin fæðingarþyngd sem var 4500 g.

Sólrún systir er annars í DK þessa dagana..jeij

..já tíminn líður ansi hratt þessa dagana. Sigurjón er búinn í orlofi í bili og þarf að mæta í vinnuna á mánudaginn. Held við kvíðum bæði aðeins fyrir..

Eins og fyrirsögnin segir til um er Krullan orðin tveggja vikna. Hún fékk D-vítamín dropa í fyrsta skiptið í dag, en hún á víst að fá 5 dropa á dag fyrsta árið.

Sigurjón er að vinna í að koma fleiri myndum á netið “as we speak”. Við erum búin að læsa myndasíðunni, í bili er notendanafnið aldis og lykilorðið krulla. Ég á eftir að skella inn varanlegum tengli á myndasíðuna, en hér er einn í bili: Myndasíða

Krulla hitti líka langömmu sína hana Möllu í dag, en hún kom frá Íslandi að kíkja á barnabarnabarnið sitt (sko móðuramma mín). Held þeim hafi bara litist mjög vel á hvora aðra.

Næstu gestir eru annars Sólrún systir (17.nóv.) og foreldrar hans Sigurjóns og bróðir (22. nóv.).

..já, áætlaður fæðingardagur var víst í dag. Mér tókst sem sagt ekki að vera inní þessum 5% sem eiga á settum degi…en ég kvarta ekki, því við fengum 12 “bónusdaga”

Við höfum svolítið verið spurð um næstu Íslandsferð (öðrum orðum sýningarferð..hehe). Það er nú ekki alveg á hreinu en það er hugsanlegt að hún verði í janúar. Það fer samt aðeins eftir vinnunni hjá Sigurjóni, ef hann þarf að fara til Íslands að vinna þá skellum við mæðgur okkur sennilega bara með. Veit ekki alveg hvenær þetta skýrist, en ég læt vita.

Allt gott að frétta héðan. Fórum í morgun með litlu í heyrnarpróf og í blóðprufu uppá spítala. Hún svaf það bara af sér, vældi ekki einu sinni í blóðprufunni. Heyrnarprófið kom vel út og blóðprufurnar verða skoðaðar með tilliti til ákveðinna efnaskiptasjúkdóma.

Við vorum annars að koma inn eftir göngutúr með hana í vagninum..hún virðist una sér mjög vel úti í ferska loftinu.

Já, tíminn er fljótur að líða þegar maður er með svona lítinn hnoðra að hugsa um.

Það helsta í fréttum er að sú stutta hitti föðurafa sinn, hjúkrunarfræðingurinn skoðaði hana, hún fór í heimsókn og meira að segja í smá pössun til foreldra minna og í dag fór hún út í vagn í fyrsta skipti.

Sigurjón setti inn nokkrar myndir í viðbót í gær. Myndasíðan